"Реал Мадрид" Испания футболида ВАР тизими ишлашидан норози. Бу ҳақда Marca нашри ўз саҳифаларида хабар бермоқда.
"Қаймоқранглилар" раҳбарияти улар тизим керакли даражада яхши ишламаслигига ишонишмоқда. Мадрид клуби Чемпионлар лигасида бу тизим бошқача ишлашини ҳис қилмоқда.
Эслатиб ўтамиз, якшанба куни "Реал Мадрид" сафарда "Барселона"га 1:2 ҳисобида мағлуб бўлган эди. Натижада Карло Анчелотти шогирдларининг етакчи каталонияликлар билан орадаги фарқи 12 очкога етди. Marca хабарига кўра, Мадрид клуби Испания чемпионлигини ҳимоя қилиб бўлмаслигини тушунишган.
"Реал Мадрид" навбатдаги ўйинини 2 апрель куни "Вальядолид"га қарши ўтказади.
