"Барселона" ҳимоячиси Серхи Роберто Франциянинг "ПСЖ" клубининг аргентиналик ҳужумчиси Лионель Мессининг каталонияликлар клубига қайтиши мумкинлиги ҳақида гапирди.
"Биз уни қучоқ очиб кутиб оламиз. Мессининг қайтишига ким тайёр эмас? Лекин бу ҳақда кўп гапирмоқчи эмасмиз, чунки қарорни клуб президенти, мураббий ёки бошқа биров қабул қилиши керак. Аммо ўйинчиларга келсак, биз уни ҳозир кутмоқдамиз", - деди Роберто Mundo Deportivo билан суҳбатда.
Эслатиб ўтамиз, 35 ёшли Мессининг "ПСЖ" билан шартномаси жорий мавсум охиригача мўлжалланган. Аввалроқ, ОАВда аргентиналик футболчи "Барселона"га қайтишни истаётгани ҳақида маълумотлар пайдо бўлганди. Ҳужумчи учун бу вариант устувор ва Каталония клуби футболчи билан шартнома имзолаш учун ҳамма нарсани қилмоқчи.
