Олдинроқ “Тоттенхэм” футболчилари клуб бош мураббийи Антонио Контени зудлик билан тарк этиш истаги борлиги ҳақида хабар берилганига қарамай, айрим жамоа футболчилари италиялик мутахассисни тўлиқ қўллаб-қувватламоқда. Бу ҳақда журналист Фабрицио Романо хабар бермоқда.
Манба берган хабарга кўра, "шпорлар"нинг баъзи ўйинчилари жамоадошлари клуб учун муваффақиятга эришмоқчи эмас деб ҳисоблашмоқда.
Эслатиб ўтамиз, Конте 2021 йилнинг ноябрида "Тоттенхэм"ни бошқариб келмоқда. АПЛнинг 28-туридан сўнг “шпорлар” 49 очко жамғариб, турнир жадвалида тўртинчи ўринда бормоқда.
Контенинг инглиз клуби билан амалдаги шартномаси шу ёзда якунига етади. Аввалроқ, "Айнтрахт"нинг амалдаги устози Оливер Гласнер лондонликлар жамоаси бош мураббийи сифатида италияликнинг ўрнини эгаллаши мумкинлиги ҳақида хабар берилганди.
