Барселона хўжалик суди "Барселона"нинг Гави ярим ҳимоячисининг янги шартномасини рўйхатдан ўтказишни бекор қилиш қарори устидан берган апелляциясини қаноатлантирмади.
IU Sport хабарига кўра, 21 март куни суд қарорни ўз кучида қолдирган, унга кўра Гави "Барселона" ёшлар жамоасида футболчи сифатида рўйхатдан ўтиши керак. Апелляция рад этилишига клуб ўзининг дастлабки даъвосини белгиланган муддатдан кейин бергани сабаб бўлди – у 1 мартгача берилиши мумкин эди, “Барса” эса буни эртаси куни амалга оширди.
Энди Гави ёшлар таркиби ўйинчиси сифатида ўйнайди, у яна ўз рақамини 30-га ўзгартириши керак. "Барса" бу қарор устидан юқори органга шикоят қилиши мумкин.
Эслатиб ўтамиз, сентябрь ойида "Барселона" 18 ёшли испаниялик билан шартномани 2026 йилгача узайтиришини эълон қилган эди, янги келишувга кўра, унинг маоши оширилиши керак эди. Декабрь ойида каталонияликлар маоши кўпайиб кетгани учун Гавини асос сифатида эълон қила олмагани маълум бўлди.
Январ ойида Ла Лига "Барселона"га футболчининг янги шартномаси иқтисодий талабларга жавоб бермагани учун уни асосий таркиб футболчиси сифатида рўйхатдан ўтказиш мумкин эмаслигини айтганди. Кейинроқ суд "Барселона"га Гавининг янги шартномасини рўйхатдан ўтказишга рухсат берди ва Ла Лига апелляция берди. Март ойида суд Гави шартномасини рўйхатдан ўтказишни бекор қилди.
