Barselona xo‘jalik sudi "Barselona"ning Gavi yarim himoyachisining yangi shartnomasini ro‘yxatdan o‘tkazishni bekor qilish qarori ustidan bergan apellyasiyasini qanoatlantirmadi.

IU Sport xabariga ko‘ra, 21 mart kuni sud qarorni o‘z kuchida qoldirgan, unga ko‘ra Gavi "Barselona" yoshlar jamoasida futbolchi sifatida ro‘yxatdan o‘tishi kerak. Apellyasiya rad etilishiga klub o‘zining dastlabki da’vosini belgilangan muddatdan keyin bergani sabab bo‘ldi – u 1 martgacha berilishi mumkin edi, “Barsa” esa buni ertasi kuni amalga oshirdi.

Endi Gavi yoshlar tarkibi o‘yinchisi sifatida o‘ynaydi, u yana o‘z raqamini 30-ga o‘zgartirishi kerak. "Barsa" bu qaror ustidan yuqori organga shikoyat qilishi mumkin.

Eslatib o‘tamiz, sentyabr oyida "Barselona" 18 yoshli ispaniyalik bilan shartnomani 2026 yilgacha uzaytirishini e’lon qilgan edi, yangi kelishuvga ko‘ra, uning maoshi oshirilishi kerak edi. Dekabr oyida kataloniyaliklar maoshi ko‘payib ketgani uchun Gavini asos sifatida e’lon qila olmagani ma’lum bo‘ldi.

Yanvar oyida La Liga "Barselona"ga futbolchining yangi shartnomasi iqtisodiy talablarga javob bermagani uchun uni asosiy tarkib futbolchisi sifatida ro‘yxatdan o‘tkazish mumkin emasligini aytgandi. Keyinroq sud "Barselona"ga Gavining yangi shartnomasini ro‘yxatdan o‘tkazishga ruxsat berdi va La Liga apellyasiya berdi. Mart oyida sud Gavi shartnomasini ro‘yxatdan o‘tkazishni bekor qildi.