"Манчестер Юнайтед"нинг собиқ ҳужумчиси Димитар Бербатов жамоада қайси ҳужумчини кўришни ҳоҳлашини айтди.
"Виктор Осимхен. Йигит ҳозир ажойиб. У жуда ёш, ҳавода яхши курашади, ажойиб тезлиги бор ва "Наполи" учун урган голлари ақл бовар қилмайди. Агар клуб ёзда ҳужумчи қидираётган бўлса, у асосий мақсад бўлиши керак", - деди болгариялик собиқ ҳужуси.
24 ёшли Осимхеннинг "Наполи" билан шартномаси 2025 йилнинг ёзига қадар амал қилади. Жорий мавсумда нигериялик футболчи клуб сафида барча турнирлар доирасида 29 та ўйинда майдонга тушиб, 25 та гол урди ва 5 та голли узатмани амалга оширди.
