Неаполда бўлиб ўтиши керак бўлган Англия ва Италия терма жамоалари ўртасидаги ўртоқлик учрашуви "Наполи" мухлисларининг таҳдидлари туфайли бекор қилинди. Бу ҳақда Англия терма жамоаси мухлислари расмий вакили Гарфорд Бек малум қилди.
Унинг сўзларига кўра, у "Наполи" мухлисларидан "даҳшатли ва таҳдидли" хат олган. "Биз у ерда бўламиз, 60 нафар ультра, сиз билан шуғулланамиз, деган хат юборди", — деди Бек Evening Standard билан суҳбатда.
Кейинроқ Италия футбол федерацияси инглиз тарафдорлари етакчисига ўйин бекор қилингани ҳақида хабар берди.
"Хавфсизлик устувор бўлиши керак, биз бу одамлар учун нишон бўлишимиз мумкин", деди Бек.
