Лондоннинг “Челси” клуби дарвозабони Эдуард Менди ёзги трансфер ойнасида клубини ўзгартириши мумкин. Бу ҳақда Football Insider хабар бермоқда.
Манбага кўра, дарвозабон энди "аристократлар"га керак бўлмаган футболчилар рўйхатига киритилган. Клуб Мендининг ўйин даражасидан норози ва Кепа Арризабалагага ишонишга қарор қилди.
31 ёшли сенегаллик футболчи "Челси"га 2020 йилнинг кузида келиб қўшилган эди. Унинг шартномаси 2025 йилнинг ўрталарига қадар мўлжалланган.
Премьер-лиганинг жорий мавсумида Эдуард 9 та ўйинда майдонга тушиб, 12 та гол ўтказиб юборди.
