Londonning “Chelsi” klubi darvozaboni Eduard Mendi yozgi transfer oynasida klubini o‘zgartirishi mumkin. Bu haqda Football Insider xabar bermoqda.
Manbaga ko‘ra, darvozabon endi "aristokratlar"ga kerak bo‘lmagan futbolchilar ro‘yxatiga kiritilgan. Klub Mendining o‘yin darajasidan norozi va Kepa Arrizabalagaga ishonishga qaror qildi.
31 yoshli senegallik futbolchi "Chelsi"ga 2020 yilning kuzida kelib qo‘shilgan edi. Uning shartnomasi 2025 yilning o‘rtalariga qadar mo‘ljallangan.
Premyer-liganing joriy mavsumida Eduard 9 ta o‘yinda maydonga tushib, 12 ta gol o‘tkazib yubordi.