"Барселона"нинг собиқ ҳужумчиси Мемфис Депайнинг фикрича, 2021 йилнинг кузида раҳбарият бош мураббийлик лавозимидан бўшатилган Рональд Куманга нисбатан адолатсиз муносабатда бўлган.
"Барселона"да Куманга жуда ёмон муносабатда бўлишди. Клубнинг айрим қарорларини ҳурмат қила олмайман. Мураббий бундай муносабатга лойиқ эмас эди, бу адолатсизлик эди", - деди Депай Ad.nl нашрига берган интервьюсида.
Эслатиб ўтамиз, айнан Куман 2021 йилда Депайнинг Франциянинг "Лион" клубидан эркин агент сифатида "Барселона"га таклиф қилиниши ташаббускори бўлган эди. Жорий йилнинг январь ойида нидерландиялик футболчи каталонияликлар жамоасини тарк этиб, Мадриднинг “Атлетико” клубига ўтди.
