"Наполи" президенти Аурелио де Лаурентис мавсум якунида бош мураббий Лучано Спалетти жамоадан кетиши мумкин эмаслигини айтди.
Олдинроқ неаполликлар клуби италиялик мутахассис билан шартномани тезда узайтирмоқчи экани ҳақида хабар берилганди.
"Спаллетти мавсум охирида "Наполи"ни тарк этмайди, бунга имконият йўқ, у қолади", - деди Де Лаурентис.
Айни дамда Спалетти қўл остида “Наполи” А Серияда пешқадамлик қилмоқда ва иккинчи ўриндан 19 очко олдинда қолмоқда. Лучано мураббийлик фаолиятида илк бор Италия чемпиони бўлишга жуда яқин турибди.
Эслатиб ўтамиз, Спалетти иккинчи мавсумини "Наполи" бошқарувида ўтказмоқда.
