Нидерландия терма жамоаси Европа чемпионати – 2024 саралашининг биринчи босқичи доирасидаги ўйинда сафарда Францияга 0:4 ҳисобида имкониятни бой берди. "Лолалар" бош мураббийи Рональд Куман ўз шогирдларининг ҳалокатли ўйинлари ҳақида фикр билдирди.
"Ушбу ўйинда биз жуда содда футбол кўрсатдик. Кўпчилик ўйинчилар вирус туфайли ўйнай олмагани ачинарли, аммо бу баҳона эмас. Бу баҳсда жамоа ёмон ўйин кўрсатди. Етакчиларимиздан кўп нарса кутгандим", - деди Куман УЕФА матбуот хизматига.
Нидерландия терма жамоаси навбатдаги ўйинни 27 март куни Гибралтар терма жамоасига қарши ўтказади.
