Бразилиялик ярим ҳимоячи Каземиро Карло Анчелоттининг "Пентакампеон"ларга бош мураббий этиб тайинланиши мумкинлиги ҳақида фикр билдирди. Эслатиб ўтамиз, италиялик мутахассис мавсум охирида "Реал"дан ҳайдалиши мумкин.
"Анчелотти Бразилия терма жамоасининг янги бош мураббийи бўладими? Мен уни жуда яхши биламан, у менинг дўстим, унинг раҳбарлигида ишлаш катта бахт. Бироқ, Карло ҳозир "Реал"да. Биз клуб ва мураббийни ҳурмат қилишимиз керак" - деди Каземиро матбуот анжуманида.
Эслатиб ўтамиз, Каземиро ўтган мавсумда Анчелотти қўл остида Испания чемпионати ва Чемпионлар лигасида ғолиб чиққан, бироқ кейинчалик "Манчестер Юнайтед"га кетганди.
