Аргентиналик ҳужумчи Лионель Месси Каталониянинг “Барселона” клубига қайтишни истамоқда.
Catalunya Radio хабарига кўра, футболчининг агенти ва отаси Хорхе Месси тез орада "кўк-анорранглилар" раҳбарияти билан музокаралар олиб боради.
Манбанинг таъкидлашича, Лионелнинг ўзи бу борада жамоа бош мураббийи Хави Эрнандес билан шахсан мулоқот қилади. Клубдаги барча Мессининг танловини қўллаб-қувватламоқда ва унинг “Камп Ноу”га қайтишини кутишмоқда.
Лео ҳозир Франциянинг "ПСЖ" жамоасида ўйнамоқда. Унинг парижликлар билан шартномаси шу мавсум охиригача мўлжалланган.
Месси "Барселона" тарбияланувчиси. У 2005 йилдан 2021 йилгача Каталония жамоаси шарафини ҳимоя қилган.
