"Милан" раҳбарияти яқин икки ҳафта ичида португалиялик ҳужумчи Рафаэль Леау билан якуний музокаралар олиб боришни режалаштирмоқда. Агар томонлар келиша олмаса, "россонерилар" ҳужумчини ёзги трансфер ойнасида сотувга қўяди, деб хабар беради Gazette Dello Sport.
Леаунинг миланликлар билан амалдаги меҳнат шартномаси 2024 йилнинг ўрталарига қадар амал қилади. Аввалроқ, "ПСЖ" Рафаэлни аргентиналик Лионель Мессига ўринбосар сифатида кўраётгани хабар қилинганди.
23 ёшли ҳужумчи жорий мавсум Италия чемпионатида 25 та ўйинда майдонга тушиб, 8 та гол урди ва 6 та голли узатмани амалга оширди.
