"Milan" rahbariyati yaqin ikki hafta ichida portugaliyalik hujumchi Rafael Leau bilan yakuniy muzokaralar olib borishni rejalashtirmoqda. Agar tomonlar kelisha olmasa, "rossonerilar" hujumchini yozgi transfer oynasida sotuvga qo‘yadi, deb xabar beradi Gazette Dello Sport.
Leauning milanliklar bilan amaldagi mehnat shartnomasi 2024 yilning o‘rtalariga qadar amal qiladi. Avvalroq, "PSJ" Rafaelni argentinalik Lionel Messiga o‘rinbosar sifatida ko‘rayotgani xabar qilingandi.
23 yoshli hujumchi joriy mavsum Italiya chempionatida 25 ta o‘yinda maydonga tushib, 8 ta gol urdi va 6 ta golli uzatmani amalga oshirdi.
