Москванинг «Спартак» клуби собиқ бош мураббийи Паоло Ваноли ҳозирда ўз ватани Италияда, «Венеция»га устозлик қилмоқда ва миллионлаб италияликлар сингари якшанба оқшомида «Милан»нинг «Наполи»ни «йўқ қилгани»ни томоша қилди.
«Бир неча ойдирки, бундай «Милан»ни кўрмаганман. Бу «Милан»нинг меҳнати, «Наполи»нинг омадсизлиги эмас.
Пиоли тактик жиҳатдан аъло даражада эканлигини исботлади. Ўйлайманки, миланликлар майдон марказидаги курашларнинг барчасида ғалаба қозонди», - дея Ваноли сўзларини келтиради pianetamilan.it.
Энди бу жамоалар бир-бирига қарши яна икки марта ўйнашлари керак, аммо Чемпионлар лигасининг чорак финалида.
