Бугун «Соғлом авлод» стадионида «Андижон» ҳамда «Пахтакор» жамоаларининг Ёшлар Лигасидаги учрашуви бўлиб ўтди.

Баҳс анча қизиқарли тарзда бошланди. Учрашувнинг 7-дақиқасида мезбонлар чап қанотдан ҳужумни ривожлантиришди, Шаҳбоз Жумабоев чамаси 15-17 метрлар узоқдан Рибкин қўриқлаётган дарвозани ишғол қилди, 1-0!

34-дақиқада «бургутлар» чап бурчакдан тўпни ўйинга киритишди. Феруз Салоҳиддинов томонидан етказиб берилган тўпга Жаҳонгир Қурбонов ва Суҳроб Нўмоновлар етиб бора олишмади. Акс ҳолда ҳисоб янада йириклашиши мумкин эди.

Бўлим охирларига бориб «Пахтакор» футболчилари ҳам анча жонланиб қолишди. Бу эса кўп ўтмай ўз самарасини берди. 38-дақиқада «Андижон» жарима майдончаси ичида юзага келган пала-партишликдан Абдуазиз Юсупов яхши фойдаланди, 1-1!

Иккинчи бўлимни мезбонлар анча кўтаринки кайфиятда бошлашди. Бу эса 67-дақиқада ўз самарасини берди. «Бургутлар» марказдан ҳужумни ривожлантиришди. Кетма-кет тўп оширишларидан сўнг, тўп Шаҳбоз Жумабоевга бориб тушди. У эса Рибкин қўриқлаётган дарвозанинг олис бурчагини нишонга олди, 2-1!

Учрашув якунланиш арафасида «Пахтакор» футболчилари бор эътиборларини ҳужумга қаратишди. Бу эса орқа чизиқларда бўшлиқлар юзага келишига сабаб бўлди. Ҳакам томонидан қўшиб берилган вақтда захирадан майдонга тушган Акмал Жўрабоев ҳисобни 3-1 кўринишига олиб келди. Ўйин мана шу ҳисоб билан якунига етди.

Ёшлар лигаси 20-тур
«Андижон» - «Пахтакор» 3-1
Андижон. «Соғлом авлод» стадиони.
Голлар: Шаҳбоз Жумабоев (7, 67), Акмал Жўрабоев - Абдуазиз Юсупов (38)
Огоҳлантиришлар: Жалолдин Машарипов, 68 -   Шохрух Мирзаев, 90.
«Андижон»: 30. Дилмурод Мамаюсупов, 2. Жўрабек Ёқубов, 3. Дониёр Усмонов, 4. Даврон Турсунов, 5. Шохрух Маҳмудов, 7. Феҳруз Салоҳиддинов, 8. Шаҳбоз Жумабоев (24. Жасур Тошбоев, 86), 9. Раҳматилло Мелибоев, 15. Жаҳонгир Қурбонов, 20. Суҳроб Нўмонов (18. Ислом Қўзибоев, 60), 21 Акмал Эргашев (14. Акмал Жўрабоев, 46).
«Пахтакор»: 1. Никита Рибкин, 3. Азамат Абдуллаев, 7. Арам Бабаян, 10. Жамшид Искандаров (21. Акмал Тўхтаев, 75), 13. Жалол Саи дов (29. Жавоҳир Саҳобов, 40), 14. Максим Фомин (28. Фарруҳ Шотурсунов, 83), 18. Муҳсин Убайдуллаев, 19. Абдуазиз Юсупов (8. Жалолдин Машарипов, 58), 20. Мурод Ҳолмуҳаммедов (25. Тохир Шамсуддинов, 66), 23. Алишер Азизов, 27. Сергей Рекун (17. Игорь Сергеев, 46).