Мюнхеннинг "Бавария" клуби ҳимоячиси Лука Эрнандес жамоа машғулотларига қайтди. Бу ҳақда немис клуби расмий сайти хабар берди.
Эрнандес ўнг тиззасидаги хочсимон боғлами йиртилгани сабабли узоқ вақт давомида касалхонада ётган эди. У ЖЧ-2022 гуруҳ босқичининг Австралияга қарши ўйинида (4:1) жароҳат олди.
27 ёшли ҳимоячи жорий мавсум Бундеслигада 7 та ўйинда майдонга тушди ва битта сариқ карточка олди.
Лука “Бавария”да 2019 йилнинг ёзидан буён ўйнаб келмоқда. Томонлар ўртасидаги амалдаги шартнома муддати 2023/2024 йилги мавсум охиригача мўлжалланган.
