Швейцариянинг «Сьон» клуби яримҳимоячиси Женнаро Гаттузо 1999 йилдан 2012 йилга қадар тўп сурган «Милан» клуби мураббийлар штабида ишлашдан бош тортди. Уни клубга Силвио Берлускони таклиф қилганди, дея хабар бермоқда «Tuttosport» нашри.
Берлусконининг фикрича, Гаттузо Мауро Тассоттининг ёрдамчиси бўлиши лозим эди. Бу мутахассис Массимилиано Аллегри истеъфога чиқарилган тақдирда «Милан» клуби бош мураббийи этиб тайинланиши мумкин.
Қўшимча қилиш жоиз, Гаттузо «Сьон» билан шартномаси борлиги ва унга амал қилиши лозимлигини айтиб, Берлусконининг таклифини рад этган.













