Эрлинг Холанд Премьер-лига футболчилари орасида бир мавсумдаги голлар рекордини янгилади.

22 ёшли норвегиялик Чемпионлар лигасининг биринчи чорак финалида «Бавария» дарвозасини ишғол қилди (3:0).

У клуб учун барча мусобақалардаги голлар сонини 45 тага етказди. Бу Англия Премьер-лигаси футболчилари ўртасидаги рекорддир.

Дортмунднинг «Боруссия» жамоасидан келиб қўшилган футболчи дебют мавсумида Премьер-лиганинг 27 та ўйинида 30 та, Чемпионлар лигасининг 7 та ўйинида 11 та, Лига кубогининг 2 та ўйинида 1 та ва Англия Кубогининг 2 та ўйинида 3 та гол уришга муваффақ бўлди.

Англия Суперкубоги учун ўйинда у муваффақиятга эриша олмади. Эрлинг 39 учрашувда 45 та гол урди.