Дортмунднинг "Боруссия" клуби ярим ҳимоячиси Жуд Беллингем ўзи ўтишни истамайдиган клубларга рад жавобини берди.
Bild хабарига кўра, 19 ёшли футболчи "Манчестер Сити", "ПСЖ" ва "Челси"га ўтишни истамаган. Ярим ҳимоячи пулни эмас, балки "эҳтирос, шаъни ва обрўсини" қадрлайдиган нуфузли клубда ўйнамоқчи.
Англиялик футболчи жорий мавсум “Боруссия” сафида 37 та ўйинда майдонга тушиб, 10 та гол урди ва 7 та голли узатмани амалга оширди. Transfermarkt портали футболчини 120 миллион еврога баҳоламоқда.