Саудия Арабистони клублари Европада тўп сураётган машҳур футболчиларни оммавий равишда сотиб олишни режалаштирмоқда.
ESPN нашри хабарига кўра, Криштиану Роналдудан сўнг "ПСЖ" билан шартномаси тугайдиган аргентиналик ҳужумчи Лионель Месси чемпионатга ўтиши мумкин.
Саудияликлар бу билан тўхтаб қолмоқчи эмас. Улар ёзда Европанинг "кучли бешлик" лигасидан 50 га яқин футболчини ўз сафига қўшиб олишни режалаштирган. Улар орасида Роберто Фирмино, Илкай Гюндоган, Адама Траоре, Йерри Мина, Абдулае Дукуре ҳам бор.
Саудия Арабистони чемпионатидаги деярли барча клублар қайдномаларида ҳозирда саккиз нафар хорижлик футболчи бор, бу максимал квота ҳисобланади. Ёзда лигада ўйнайдиган хорижликларнинг сифати сезиларли даражада ошиши кутилмоқда. Шунинг учун клублар таркибни тозалашни бошлашмоқда.
