Сенегал терма жамоаси бош мураббийи Алиу Сиссе "Манчестер Сити"га қарши Чемпионлар лигаси 1/4 финалидан сўнг "Бавария"нинг кийиниш хонасида Садио Мане ва Лерой Сане ўртасидаги воқеа ҳақида фикр билдирди.
Эслатиб ўтамиз, Мане жамоадошининг юзига уриб, лабини ёриб қўйганди, бунинг учун кейинчалик жаримага тортилган ва Германия чемпионатида "Хоффенхайм" билан билан бўладиган ўйинда майдонга тушмаслиги аниқ бўлганди.
"Мен бундан катта муаммо туғдирмоқчи эмасман. Бўлиб ўтган воқеа кийим алмаштириш хонасидан ташқарига ҳам чиқмаслиги керак эди. Сирлар жамоа ичида қолиши керак. Кийиниш хонасида содир бўлаётган нарсалар кийим алмаштириш хонасида қолиши керак", - деди Сиссе Wiwsport билан суҳбатда.
