Лиссабоннинг "Бенфика" жамоасида ўйнаётган умидли вингер Диего Морейра фаолиятини Англия Премьер-лигасида давом эттириши мумкин.

Record нашрининг маълум қилишича, Лондоннинг "Челси" клуби 18 ёшли футболчини ўз сафига қўшиб олмоқчи.

"Кўклар" Морейранинг трансфери бўйича музокара олиб боришди ва ёзда унинг трансфери бўйича келишиб олишди. Лондонликлар Диегони текинга қўлга киритишади, чунки унинг "бургутлар" билан шартномаси 2023 йилнинг июнь ойи охирида тугайди.

Ушбу мавсумда ярим ҳимоячи "Бенфика"нинг иккинчи жамоасида ўйнади. У 16 та учрашувда қатнашиб, иккита гол урган.