Англия терма жамоаси ва «Манчестер Юнайтед»нинг собиқ ҳужумчиси Уэйн Руни «Манчестер Сити» етакчиси Эрлинг Холанд ҳақида гапириб, норвегиялик футболчини 35 ёшли аргентиналик Лионель Месси билан солиштирди.

«Ҳоланд ҳозир дунёнинг энг яхши футболчиси. Мессичи? Лионель - энг буюк футболчи, аммо ҳозирда Эрлингдан ҳеч ким ошиб кета олмайди.

У дунёнинг энг зўри, шунчаки унинг рақамлари ва ўйинларига қаранг», — деди Руни.

Жорий мавсумда Холанд барча турнирларда 42 та ўйинда майдонга тушиб, 48 та гол урди ва 6 та голли узатмани амалга оширди. Месси 36 ўйинда 20 гол урган ва 19 голга ассистентлик қилган.