"Барселона" вингер Ферран Торресни сотишга тайёр, дея хабар бермоқда журналист Хави Мигель ижтимоий тармоқларда. "Кўк-анорранглилар" ўз футболчисини 25 миллион еврога баҳоламоқда.
Торрес "Барселона"га 2021 йилнинг декабрида келиб қўшилган эди. Ўшанда "кўк-анорранглилар" Ферран трансфери учун "Манчестер Сити"га 55 миллион евро тўлаганди.
Ушбу мавсумда вингер 39 та ўйинда майдонга тушиб, 7 та гол ва 2 та голли узатмага муаллифлик қилган. Ферраннинг "Барселона" билан шартномаси 2027 йилнинг ўрталарига қадар тузилган.
Кеча "Атлетико"га қарши ўйинда Торрес ғалаба тўпини киритди.
