"Ал-Иттифоқ" бош мураббийи Антонио Касорла "ПСЖ" ҳужумчиси Лионель Мессининг Саудия Арабистони чемпионатига ўтиши мумкинлиги ҳақида гапирди.
"Бу ерда бу ҳақда кўп гапирилмоқда, нима бўлишини билмайман, лекин улар Месси ёки бошқа йирик юлдузни қўлга киритиш учун кўп меҳнат қилишларига аминман. Мухлислар ҳам, ОАВ ҳам улар тўғри йўлда эканликларига ва Месси билан шартнома имзолай олишларига ишонишмоқда", - деди Касорла Be soccer билан суҳбатда.
Олдинроқ "ПСЖ" Мессини ёзда қўйиб юборишга тайёрлиги, чунки клуб асосий эътиборни юлдуз футболчиларга эмас, ёш футболчиларга қаратмоқчи эканлиги ҳақида хабар берилганди.
Шунингдек, 35 ёшли аргентиналик ўзи билан бирга 15 та чамадон олиб, оиласи билан Барселонага учиб кетгани хабар қилинганди.
Мессининг "ПСЖ" билан амалдаги шартномаси 2023 йилнинг ёзига қадар амал қилади. У жорий мавсумда Париж клуби сафида 36 та ўйинда майдонга тушиб, 20 та гол урди ва 19 та голли узатмани амалга оширди.
