"Al-Ittifoq" bosh murabbiyi Antonio Kasorla "PSJ" hujumchisi Lionel Messining Saudiya Arabistoni chempionatiga o‘tishi mumkinligi haqida gapirdi.
"Bu yerda bu haqda ko‘p gapirilmoqda, nima bo‘lishini bilmayman, lekin ular Messi yoki boshqa yirik yulduzni qo‘lga kiritish uchun ko‘p mehnat qilishlariga aminman. Muxlislar ham, OAV ham ular to‘g‘ri yo‘lda ekanliklariga va Messi bilan shartnoma imzolay olishlariga ishonishmoqda", - dedi Kasorla Be soccer bilan suhbatda.
Oldinroq "PSJ" Messini yozda qo‘yib yuborishga tayyorligi, chunki klub asosiy e’tiborni yulduz futbolchilarga emas, yosh futbolchilarga qaratmoqchi ekanligi haqida xabar berilgandi.
Shuningdek, 35 yoshli argentinalik o‘zi bilan birga 15 ta chamadon olib, oilasi bilan Barselonaga uchib ketgani xabar qilingandi.
Messining "PSJ" bilan amaldagi shartnomasi 2023 yilning yoziga qadar amal qiladi. U joriy mavsumda Parij klubi safida 36 ta o‘yinda maydonga tushib, 20 ta gol urdi va 19 ta golli uzatmani amalga oshirdi.
