«Бавария»да бу мавсумда муаммолар кўп - дастлаб Нагельсманн схемага мос тушмади, чемпионлик учун курашни кучайтириб юборди; Тухель эса вазиятни ёмонлаштирди ва ҳатто Чемпионлар лигасидан чиқиб кетди. Энди спорт муаммоларига ҳуқуқий муаммолар ҳам қўшилди - Мюнхен офисида тинтувлар ўтказилди. Бу Bild нашри хабарига кўра, россиялик миллиардер Алишер Усмонов номи билан боғлиқ.
«Бавария» ва Россиянинг алоқаси қаерда?
29 апрель куни немис нашри баланд овозда хабар тарқатди - Мюнхен клубида тинтув ўтказилган. Журналистлар терговчиларнинг USM Holdings мегакорпорациясига эгалик қилувчи россиялик олигарх Алишер Усмоновга тегишли ҳужжатларни қидираётганини тезда билиб олишди.
Усмонов узоқ вақтдан бери футбол билан чамбарчас боғланиб келган - 2000 йилларнинг охиридан бери у деярли ўн йил давомида Лондоннинг «Арсенал» клуби акцияларининг тўртдан бир қисмига эгалик қилган. Аммо 2022 йилнинг февралидан бери Алишер Бурхоновичнинг Европа футболига деярли алоқаси йўқ.
«Бавария»га нима бўлди?
У бизнес билан шуғулланмайди - терговчилар буни тўғридан-тўғри айтишган, на клуб ва на ходимлар унга қизиқиш уйғотмайди. Немис журналистлари Усмоновнинг «Бавария» фахрий президенти Ули Хёнесс билан муносабатлари бўлгани, улар қонунни бузгани ва Мюнхендаги офисда бунинг исботини топишга ҳаракат қилганини даъво қилмоқда.
Bild нашрига кўра, Усмонов «пул ювиш» ва «бир неча миллион доллар» учун солиқ тўлашдан бўйин товлаганликда гумон қилинмоқда. Ули Хёнесс эса миллиардернинг яхши дўсти саналади - улар Тегернзее шаҳрида қўшни эдилар. Журналистлар «Бавария»нинг фахрий президенти ва Усмонов ўртасидаги муносабатлар аъло даражада эканлигини айтишди. Бунга далолат сифатида Алишер Бурхоновичнинг «Бавария»нинг чемпионатдаги ўйинлари учун ВИП чипталари борлигини ҳам таъкидлашмоқда. Улар Хёнесс томонидан тақдим этилгани айтилади.
Усмонов нима дейди?
Миллиардернинг матбуот хизмати дарҳол истеҳзо билан жавоб берди. Дарҳақиқат, бу Германия прокуратурасининг навбатдаги ҳаддан ташқари ҳаракатига мисолдир. Бу аввалги бир қатор асоссиз чораларга мос келади. Масалан, 2022 йил сентябрида ўнлаб оғир қуролланган тезкор ходимларнинг Тегернзее шаҳридаги бўш уйларга бостириб кириши танқид қилинган. Шунингдек, эрта тонгда унинг марҳум дўстининг Гессендаги кичкина квартирасига бўлган тўсатдан тинтув ишлари ҳам кузатилган. Ёки кейинчалик пластик сувенирлар бўлиб чиққан қимматли «Фаберже тухумлари» нинг машҳур «мусодараси» ёдингизда бўлса керак. Мавжуд бўлмаган жиноятларни қидиришдаги асоссиз уриниш, табиийки, терговчиларни шундай шармандаликка олиб келади.
Германиянинг тергов органлари кўрсатга бу ишлар мамлакатнинг ўзини конституциявий давлат мақомида тутишига зид келади. А.Б. Усмонов ҳеч қачон Германия қонунларини бузмаган, унинг маблағлари айланмаси мутлақо шаффоф, Германияда унинг таъқиби очиқ ҳолатда кўрилади. Ҳалол ишлаган пулини очиқ эълон қилган одам футбол чипталаридаги пулларни «ювиши» мумкинми?
«Алишер Усмоновни «Бавария» билан боғлаб турган нарса унинг футболга бўлган муҳаббати ва бу буюк клубга бўлган ҳурматидир, «Арсенал» «Альянс Арена»да бир неча бор ўйнаган, унинг акциядори А.Б. Усмонов кўп йиллар давомида у ерда бўлган. А.Б. Усмонов Мюнхенга йирик халқаро спорт ташкилоти раҳбари сифатидаги меҳмон бўлиб ҳам ташриф буюрди. Албатта, мухлис сифатида унга нисбатан қўйилган ноҳақ чекловлар олиб ташланганидан кейин бу стадионга яна мамнуният билан ташриф буюради», — деди тадбиркорнинг матбуот хизмати.
