Каталониянинг "Барселона" клуби ёзда "Лейпциг" таркибида ўйнаётган ўз тарбияланувчиси Дани Ольмони жамоага қайтармоқчи. Инсайдер Габриэль Санснинг тарқатган маълумотларга кўра, "кўк-анорранглилар" ярим ҳимоячига қизиқиш билдиришда давом этмоқда.

Қайд этилишича, Ольмо ҳозирда жамоаси билан шартномани узайтиришдан бош тортмоқда. Унинг шартномаси 2024 йилнинг ёзига қадар мўлжалланган. Шунингдек, Данига "Боруссия Дортмунд" ҳам қизиқиш билдирмоқда.

24 ёшли Ольмо жорий мавсум Бундеслигада 2 та гол урди ва 4 та голли узатмани амалга оширди. Футболчи бир неча йилдан бери мунтазам равишда Испания терма жамоасига чақирилиб келинмоқда.