Германия терма жамоаси ва "Бавария"нинг собиқ футболчиси Лотар Маттеус Мюнхен клуби раҳбариятига янги ҳужумчи излаш борасида маслаҳат берди.
Bild журналисти билан суҳбат чоғида собиқ футболчи "Штутгарт" марказий ҳужумчиси Сера Гирассини "Бавария"да кўришни хоҳлашини айтди. Франциялик ҳужумчи жорий мавсумда Бундеслиганинг 18 та ўйинида 8 та гол урди. 27 ёшли франциялик футболчининг трансфер нархи ўн миллион еврога баҳоланмоқда.
Германия чемпионатининг 30-туридан сўнг “Бавария” 62 очко жамғариб, турнир жадвалида пешқадамлик қилмоқда. Мюнхенликлар иккинчи ўриндаги “Боруссия Дортмунд”дан бир очко олдинда.
