Germaniya terma jamoasi va "Bavariya"ning sobiq futbolchisi Lotar Matteus Myunxen klubi rahbariyatiga yangi hujumchi izlash borasida maslahat berdi.

Bild jurnalisti bilan suhbat chog‘ida sobiq futbolchi "Shtutgart" markaziy hujumchisi Sera Girassini "Bavariya"da ko‘rishni xohlashini aytdi. Fransiyalik hujumchi joriy mavsumda Bundesliganing 18 ta o‘yinida 8 ta gol urdi. 27 yoshli fransiyalik futbolchining transfer narxi o‘n million yevroga baholanmoqda.

Germaniya chempionatining 30-turidan so‘ng “Bavariya” 62 ochko jamg‘arib, turnir jadvalida peshqadamlik qilmoqda. Myunxenliklar ikkinchi o‘rindagi “Borussiya Dortmund”dan bir ochko oldinda.