Флорентино Перес Винисиусни дунёнинг энг яхши чап қанот вингери деб ҳисоблайди.
"Винисиус ўз позициясида дунёнинг энг яхши футболчиси.
Уни тўхтатиш жуда қийин. Шу сабабли, унга қарши ўйнаганлар кўп қоидабузарликларга йўл қўйишади ва Винисиус ғазабланади ҳамда бунинг натижасида карточкалар олади. Мен буни тушунмаяпман. Биз шоу ва қувонч бахш этадиган футболчиларни ҳимоя қилишимиз керак", - деди "Реал Мадрид" президенти Испания кубогида ғалаба қозонганидан кейин.
Бразилиялик футболчи жорий мавсумда "Реал"нинг барча турнирларида 50 та ўйинда майдонга тушиб, 22 та гол урди ва 18 та голли узатмани амалга оширди.
