«Ан-Наср» ҳужумчиси Криштиану Роналду ўйиндан сўнг ўзи билан суратга тушмоқчи бўлган «Ал-Халиж» клуби вакилини туртиб юборди.
Рақиб жамоа ходими 38 ёшли юлдуз футболчининг елкасига қўлини қўйди, бироқ КриРо унинг бу ҳаракатига кескин муносабат билдирди. Ҳужумчи «Ал-Халиж» вакилини туртиб юборди ва трибуна остидаги хонага кириб кетди.
Учрашув 1:1 ҳисобида дуранг билан якунланди.
Роналду январь ойида «Ан-Наср»га келиб, икки ярим йиллик шартнома имзолаганди. Саудия Арабистони чемпионатининг жорий мавсумида ҳужумчи 13 учрашувда 12 та гол (4 таси пенальтидан) урган.
