«An-Nasr» hujumchisi Krishtianu Ronaldu o‘yindan so‘ng o‘zi bilan suratga tushmoqchi bo‘lgan «Al-Xalij» klubi vakilini turtib yubordi.

Raqib jamoa xodimi 38 yoshli yulduz futbolchining yelkasiga qo‘lini qo‘ydi, biroq KriRo uning bu harakatiga keskin munosabat bildirdi. Hujumchi «Al-Xalij» vakilini turtib yubordi va tribuna ostidagi xonaga kirib ketdi.

Uchrashuv 1:1 hisobida durang bilan yakunlandi.

Ronaldu yanvar oyida «An-Nasr»ga kelib, ikki yarim yillik shartnoma imzolagandi. Saudiya Arabistoni chempionatining joriy mavsumida hujumchi 13 uchrashuvda 12 ta gol (4 tasi penaltidan) urgan.