"ПСЖ" ҳужумчиси Лионель Месси мавсум якунида Каталония клубини тарк этишга қарор қилган "Барселона"даги собиқ жамоадоши Серхио Бускетсга мурожаат қилди.
“Янги босқичда сизга ва бутун оилангизга омад тилайман. Майдонда ва ундан ташқарида ҳамма нарса учун раҳмат. Биз бирга жуда кўп лаҳзаларни бошдан кечирдик, яхши ва баъзан қийин даврларни. Улар абадий хотирамда қоладилар! ”, - деб ёзди аргентиналик ижтимоий тармоқда.
"Барселона" тарбияланувчиси бўлган 34 ёшли Бускетс "кўк-анорранглилар" сафида барча мусобақаларда 719 та ўйинда майдонга тушиб, 18 та гол урган ва жамоадошларига 45 та голли узатма берган.
