Дортмунднинг "Боруссия" клуби ҳужумчиси Карим Адейеми Каталониянинг "Барселона" клубида ўйнашни хоҳлаётганга ўхшайди.
Ижтимоий тармоқларда немис футболчисига "Барселона" мухлисларидан бирининг "Адейеми Ансу Фати учун мукаммал ўринбосар бўларди" деган мазмундаги постига футболчи "лайк" босган.
Эслатиб ўтамиз, Карим Дортмунднинг "Боруссия" жамоасида дебют мавсумини ўтказмоқда. Аввалроқ у "Зальцбург" жамоасида ўйнаган. Фати ёзда "Барселона"ни тарк этиши мумкин, чунки раҳбарият молиявий вазиятни барқарорлаштириш учун футболчини сотмоқчи.
Адейеми жорий мавсум Германия Бундеслигасида 6 та гол урди ва 5 та голли узатмани амалга оширди.
