"Манчестер Юнайтед" клуби "Интер" ҳужумчиси Лаутаро Мартинесга қизиқиш билдирмоқда. Журналист Пит О'Руркнинг ёзишича, "қизил иблислар" аргентиналик ҳужумчига жиддий қизиқиш билдирмоқда.
"Манчестер Юнайтед" ёзда янги ҳужумчи сотиб олмоқчи. "Бёрнли"дан ижарага олинган Воут Вегхорст мавсум охирида жамоани тарк этади ва унинг ўрнига юлдузли футболчи келиши керак. Мартинес энг арзон ва жозибали вариантлардан бири ҳисобланади.
Мартинеснинг трансфер нархи тахминан 80 миллион еврога баҳоланмоқда. Лаутаро жорий мавсум А Серияда 19 та гол ва 5 та голли узатмага муаллифлик қилди.
