«Лидс»га тайинланганидан бери Сэм Эллардайс Пеп Гвардиола, Юрген Клопп ва Микель Артета каби мураббийлардан яхши эканлигини айтишдан чарчамаяпти.
Навбатдаги матбуот анжуманида «товуслар» бош мураббийи яна ўз фикрларини билдирди.
«Ўтган ҳафта мен сизга етарлича нималарга қодир эканлигимни айтдим, буни тан олиш керак. Дарвоқе, мени танқид қилганларнинг ҳаммаси бироз аҳмоқ кўринди, шундай эмасми?
Мен футболчиларнинг эътиборини ўзимга қаратдим ва бу сэр Алекс Фергюсондан ўрганган ажойиб тактикам эди.
Футболчиларга ҳеч қандай босим бўлмади, чунки ҳамма мен ҳақимда гапирарди», - деди Эллардайс.
Эслатиб ўтамиз, Эллардайс бошчилигидаги биринчи ўйинда «Лидс» «Манчестер Сити»га 1:2 ҳисобида мағлуб бўлди.
