«Lids»ga tayinlanganidan beri Sem Ellardays Pep Gvardiola, Yurgen Klopp va Mikel Arteta kabi murabbiylardan yaxshi ekanligini aytishdan charchamayapti.
Navbatdagi matbuot anjumanida «tovuslar» bosh murabbiyi yana o‘z fikrlarini bildirdi.
«O‘tgan hafta men sizga yetarlicha nimalarga qodir ekanligimni aytdim, buni tan olish kerak. Darvoqe, meni tanqid qilganlarning hammasi biroz ahmoq ko‘rindi, shunday emasmi?
Men futbolchilarning e’tiborini o‘zimga qaratdim va bu ser Aleks Fergyusondan o‘rgangan ajoyib taktikam edi.
Futbolchilarga hech qanday bosim bo‘lmadi, chunki hamma men haqimda gapirardi», - dedi Ellardays.
Eslatib o‘tamiz, Ellardays boshchiligidagi birinchi o‘yinda «Lids» «Manchester Siti»ga 1:2 hisobida mag‘lub bo‘ldi.
