Эрлинг Холанд Премьер-лигада ойнинг энг яхши футболчиси деб топилди.

"Манчестер Сити" ҳужумчиси апрель ойида Англия Премьер-лигасининг энг яхши футболчиси совринини қўлга киритди. У ойнинг 4 та ўйинида 6 та гол ва 2 та голли узатмани амалга оширди. Шу жумладан, "Арсенал"га қарши ўйинда 1 та гол ва 2 та голли узатмани амалга оширди.

"Фулхэм" устидан 2:1 ҳисобида ғалаба қозонган учрашувда Холанд ўзининг АПЛдаги 35-голини урди ва бир мавсумда лигада энг кўп гол уриш бўйича лига рекордини янгилади.

22 ёшли футболчи жорий мавсумда иккинчи марта АПЛда ойнинг энг яхши футболчиси совринини қўлга киритди. Бунгача у август ойида энг яхши деб топилганди.

Соврин учун бошқа даъвогарлар: Кевин де Брюйне (“Манчестер Сити”, 3 гол, 4 голли узатма), Эберечи Эзе (“Кристал Пэлас”, 4 гол), Александр Исаак (“Ньюкасл”, 4 гол, 1 голли узатма), Диого Жота (“Ливерпуль”, 5 гол , 2 голли узатма), Доминик Соланке ("Борнмут", 3 гол, 3 голли узатма), Олли Уоткинс ("Астон Вилла", 5 гол, 1 голли узатма) ва Каллум Уильсон ("Ньюкасл", 8 гол, 1 голли узатма).