Erling Xoland Premyer-ligada oyning eng yaxshi futbolchisi deb topildi.

"Manchester Siti" hujumchisi aprel oyida Angliya Premyer-ligasining eng yaxshi futbolchisi sovrinini qo‘lga kiritdi. U oyning 4 ta o‘yinida 6 ta gol va 2 ta golli uzatmani amalga oshirdi. Shu jumladan, "Arsenal"ga qarshi o‘yinda 1 ta gol va 2 ta golli uzatmani amalga oshirdi.

"Fulxem" ustidan 2:1 hisobida g‘alaba qozongan uchrashuvda Xoland o‘zining APLdagi 35-golini urdi va bir mavsumda ligada eng ko‘p gol urish bo‘yicha liga rekordini yangiladi.

22 yoshli futbolchi joriy mavsumda ikkinchi marta APLda oyning eng yaxshi futbolchisi sovrinini qo‘lga kiritdi. Bungacha u avgust oyida eng yaxshi deb topilgandi.

Sovrin uchun boshqa da’vogarlar: Kevin de Bryuyne (“Manchester Siti”, 3 gol, 4 golli uzatma), Eberechi Eze (“Kristal Pelas”, 4 gol), Aleksandr Isaak (“Nyukasl”, 4 gol, 1 golli uzatma), Diogo Jota (“Liverpul”, 5 gol , 2 golli uzatma), Dominik Solanke ("Bornmut", 3 gol, 3 golli uzatma), Olli Uotkins ("Aston Villa", 5 gol, 1 golli uzatma) va Kallum Uilson ("Nyukasl", 8 gol, 1 golli uzatma).