"Челси" вақтинчалик бош мураббийи Фрэнк Лэмпард Н'Голо Кантенинг клубдаги келажаги ҳақидаги саволга жавоб берди. Олдинроқ ярим ҳимоячининг ўзи Лондон жамоасида қолишни истаётганини тан олганди.

“Кантенинг вазиятини тушунмаяпман. У биз билан ўйнаган ҳар бир ўйин ўз даражасида ҳаракат қилмоқда. Ўтган ўйинларда у жамоанинг жуда муҳим қисми бўлган”, - деди “кўклар” устози матбуот анжуманида.

32 ёшли Канте жорий мавсумда барча мусобақаларда 9та ўйинда майдонга тушди ва битта голли узатмани амалга оширди. Футболчининг “Челси” билан шартномаси шу йилнинг июнь ойи охирида якунига етади.