"Chelsi" vaqtinchalik bosh murabbiyi Frenk Lempard N'Golo Kantening klubdagi kelajagi haqidagi savolga javob berdi. Oldinroq yarim himoyachining o‘zi London jamoasida qolishni istayotganini tan olgandi.
“Kantening vaziyatini tushunmayapman. U biz bilan o‘ynagan har bir o‘yin o‘z darajasida harakat qilmoqda. O‘tgan o‘yinlarda u jamoaning juda muhim qismi bo‘lgan”, - dedi “ko‘klar” ustozi matbuot anjumanida.
32 yoshli Kante joriy mavsumda barcha musobaqalarda 9ta o‘yinda maydonga tushdi va bitta golli uzatmani amalga oshirdi. Futbolchining “Chelsi” bilan shartnomasi shu yilning iyun oyi oxirida yakuniga yetadi.
