ПФЛ тартиб-интизом қўмитаси қарорига кўра Ўзбекистон Биринчилиги баҳсларида иштирок этаётган «Янгиер» жамоасига иккинчи босқич 8-тур учрашувида сафарда Ғаллаоролнинг «Ғаллакор-Автомобилчи» клубига қарши баҳсда техник мағлубият ёзилди. Ушбу учрашувда майдонга тушган «Янгиер» ярим ҳимоячиси Руслан Муродилллаевнинг ҳисобида 4та сариқ карточка бор эди ва ПФЛ регламентига кўра футболчи «Ғаллакор Автомобил"чига қарши кечган учрашувни ўтказиб юбориши керак эди. Шу сабабли, регламентинг 4-боб, 4.26-бандига биноан «Янгиер» клубига техник мағлубият ёзилди. «Ғаллакор-Автомобилчи» клубига эса техник ғалаба ёзилди.
«Ғаллакор-Автомобилчи»-«Янгиер» учрашувида қайд этилган 0:2 ҳисоби бекор қилинди. Учрашувдаги огоҳлантиришлар эса ўз кучида қолди.
Шунингдек, регламентнинг 5-боб 5.22-бандига асосан «Янгиер» жаримага тортилади. Футболчи Р.Муродиллаев эса бўлажак ўйинда майдонга тушмайди.
Мазкур натижадан кейин мусобақа жадвали қуйидаги кўринишга келди:
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Сўғдиёна | 24 | 19 | 1 | 4 | 61-32 | 58 |
| 2 | Гулистон | 24 | 16 | 5 | 3 | 55-32 | 53 |
| 3 | Янгиер | 24 | 14 | 4 | 6 | 48-25 | 46 |
| 4 | НБУ-Осиё | 24 | 12 | 7 | 5 | 40-26 | 43 |
| 5 | Оқтепа | 24 | 14 | 0 | 10 | 60-49 | 42 |
| 6 | Насаф-2 | 24 | 12 | 1 | 11 | 44-35 | 37 |
| 7 | Қўқон-1912 | 24 | 9 | 7 | 8 | 37-33 | 34 |
| 8 | Южанин | 24 | 9 | 5 | 10 | 31-30 | 32 |
| 9 | Нефтчи Ҳамза | 24 | 9 | 4 | 11 | 39-49 | 31 |
| 10 | Хоразм | 24 | 8 | 6 | 10 | 31-30 | 30 |
| 11 | Хива | 24 | 9 | 2 | 13 | 33-43 | 29 |
| 12 | Fаллакор-А | 24 | 8 | 1 | 15 | 32-50 | 25 |
| 13 | Бухоро-2 | 24 | 7 | 4 | 13 | 35-55 | 25 |
| 14 | Косонсой | 24 | 7 | 3 | 14 | 31-46 | 24 |
| 15 | Чуст-Пахтакор | 24 | 6 | 3 | 15 | 20-45 | 21 |
| 16 | Регистон | 24 | 5 | 3 | 16 | 25-44 | 18 |
