Ҳуқуқлари «Манчестер Сити»га тегишли бўлган немис ярим ҳимоячиси Илкай Гюндоган бир неча ой олдин «Барселона» билан трансфер борасида келишиб олганди.
Бу ҳақда Mundo Deportivo нашри хабар бермоқда.
Янги шартнома таклифи уни қониқтирмагани учун ярим ҳимоячи амалдаги клубини тарк этишга қарор қилди.
«Шаҳарликлар» у билан шартномани атиги бир йилга узайтиришга тайёр, «Барселона» эса уч йиллик шартнома таклиф қилган. Илкай «Барса» таклиф қилган шартлардан тўлиқ қониқди.
Гюндоган жорий мавсумда Премьер-лигада 29 та ўйинда майдонга тушиб, 6 та гол ва 3 та голли узатмага муаллифлик қилган.
