Huquqlari «Manchester Siti»ga tegishli bo‘lgan nemis yarim himoyachisi Ilkay Gyundogan bir necha oy oldin «Barselona» bilan transfer borasida kelishib olgandi.
Bu haqda Mundo Deportivo nashri xabar bermoqda.
Yangi shartnoma taklifi uni qoniqtirmagani uchun yarim himoyachi amaldagi klubini tark etishga qaror qildi.
«Shaharliklar» u bilan shartnomani atigi bir yilga uzaytirishga tayyor, «Barselona» esa uch yillik shartnoma taklif qilgan. Ilkay «Barsa» taklif qilgan shartlardan to‘liq qoniqdi.
Gyundogan joriy mavsumda Premyer-ligada 29 ta o‘yinda maydonga tushib, 6 ta gol va 3 ta golli uzatmaga mualliflik qilgan.
