«Интер» ҳужумчиси Ромелу Лукаку жамоанинг қолган мавсумдаги имкониятлари ҳақида гапирди.

Бир кун аввал унинг жамоаси А Сериянинг 35-тури доирасидаги ўйинда «Сассуоло»ни мағлуб этганди (4:2).

«Бу муҳим ғалаба эди, «Сассуоло» ҳар доим бизга кўп муаммоларни келтириб чиқаради. Мураббий бизга ушбу ўйин муҳимлигини тушунтирди, бугун бу ўйинда ғалаба қозониш муҳим эди, биз яхши ўйнадик, шу руҳда давом этишимиз керак.

Жисмоний жиҳатдан биз ҳар доим яхшиланишимиз мумкин, кўп гол урмоқдамиз, ҳар бир футболчи борини берди, яна иккита соврин ютишимиз мумкин.

Сешанба куни бизни жуда қийин ўйин кутиб турибди ва биз бунга тайёргарлик кўришимиз керак», - дея Лукакунинг сўзларини келтиради клуб матбуот хизмати.