«Inter» hujumchisi Romelu Lukaku jamoaning qolgan mavsumdagi imkoniyatlari haqida gapirdi.

Bir kun avval uning jamoasi A Seriyaning 35-turi doirasidagi o‘yinda «Sassuolo»ni mag‘lub etgandi (4:2).

«Bu muhim g‘alaba edi, «Sassuolo» har doim bizga ko‘p muammolarni keltirib chiqaradi. Murabbiy bizga ushbu o‘yin muhimligini tushuntirdi, bugun bu o‘yinda g‘alaba qozonish muhim edi, biz yaxshi o‘ynadik, shu ruhda davom etishimiz kerak.

Jismoniy jihatdan biz har doim yaxshilanishimiz mumkin, ko‘p gol urmoqdamiz, har bir futbolchi borini berdi, yana ikkita sovrin yutishimiz mumkin.

Seshanba kuni bizni juda qiyin o‘yin kutib turibdi va biz bunga tayyorgarlik ko‘rishimiz kerak», - deya Lukakuning so‘zlarini keltiradi klub matbuot xizmati.